الاثنين، 27 ديسمبر، 2010

ارشادات دكتور ماجد زيتون للغذاء المفيد والضار للحامل

اهم العناصر الغذائية المفيدة للحامل


1- البروتين (لحوم - دواجن-تركى-سمك-بيض- فاصوليا حمرا زبادى او فول -عدس-لوبيا-فاصوليا)
2- الحديد (خضراوات خضرا - خضراوات ورقية (سبانخ-ملوخية-جرجير))
3- كالسيوم(بيض -لبن-زبادى)
4- حمض الفوليك(بيض-خضراوات خضرا-برتقال-حبوب-خبز كامل)
5-فواكه(فراولة -تفاح-بروكلى)
6-شرن السوائل وخصوصا الماء

اهم العناصر الضاااااااااااااااااااارة للحامل
1- الاسماك الغير معلومة المصدر ا الغير مطهية او المدخنة(المكريل -الفسيخ-السوشى-الرنجة|)
2-الكافيين(قهوة -شاى-مياة غازية-صودا)
3-لحوم غير مطهيه جيدا او مصنعة(لانشون -بسطرمة-سوسيس)
4- بعض انواع الجبن
تابع القراءة ....

دكتور ماجد زيتون يقدم نظام غذائى متميز للمرأة الحامل

الافطار


كوب لبن نصف دسم او كوب زبادى + نصف رغيف بلدى + قطعة جبن قريش او بيضة مسلوقة او 3 ملاعق فول او مربة + ثمرة فاكهة

بعد الوجبة بساعتين


كوب زبادى صغير + ثمرة فاكهة (تفاح او برتقال او فراولة)


سناكس بين الوجبات


2 ثمرة خيار +ثمرة جزر


الغدا


بروتين (صدر دجاج مسلوق او مشوى او 2 شريحة تركى او 2 قطعة لحم مسلوق او مشوى او نصف كيلو سمك مشوى او عدد 2 بيضة مسلوقة)
+
خضار(سبانخ او ملوخية او بروكلى او خرشوف او كوسة او فاصوليا ) بملعقة زيت صغيرة 
+
نشويات(4 ملاعق ارز مسلوق او 4 ملاعق مكرونة او ثمرة بطاطس مسلوقة او نصف رغيف بلدى )
+سلاطة


بعد الغدا بساعتين
كوب عصير برتقال طازج

سناكس بين الوجبات


2 ثمرة خيار +ثمرة جزر


العشا 
ربع رغيف بلدى + (شريحة جبن شيدر قليلة الدسم)او كوب زبادى صغير او كوب لبن خالى الدسم
او (كوب زبادى كبير +ثمرة فاكهة) او 2 ثمرة فاكهة
تابع القراءة ....

الثلاثاء، 14 ديسمبر، 2010

البيتزا بكل اسرارها (بيتزا الخضراوات,وبيتزا السجق)

النهارده هنعرف مع بعض أكتر من طريقة لعمل عجينة البيتزا..

وطرق مختلفة لتحضير أنواع بيتزا مختلفة زي اللي بتاكليها في المحلات...


طرق تحضير عجينة البيتزا

عجينة البيتزا هي أوّل حاجة هتعمليها، وإنتي بتحضّري للبيتزا؛ لأنها بتكون محتاجة وقت علشان تتخمّر..

وزي ما قلنا قبل كده فيه أكتر من طريقة لعمل عجينة البيتزا؛ يعني فيه ناس بتعملها ببيض ولبن، وفيه ناس بتعملها من غير بيض ولا لبن...
العجينة على طريقة نابولي بتكون من غير بيض ولا لبن
العجينة على طريقة نابولي بتكون من غير بيض ولا لبن
العجينة على طريقة نابولي
المقادير:
  • 3 أكواب دقيق
  • 2 ملعقة صغيرة خميرة بيرة
  • 1/ 2 ملعقة صغيرة ملح
  • كوب ماء دافئ
  • 3 ملاعق كبيرة زيت ذرة

الطريقة:
1- هاتي وعاء بلاستيك كبير، واخلطي فيه نصف كمية الدقيق مع الخميرة والملح، وبعد كده ضيفي المية والزيت، واضربيهم كلهم بمضرب البيض على سرعة عالية لمدة 3 دقائق.

2- ضيفي باقي الدقيق للخليط السابق، وقلّبيه باستخدام ملعقة خشبية.

3- انقلي العجينة على رخامة المطبخ أو على لوح خشبي، وابدئي في عجنها بإيدك لغاية ما تلاقيها بقت طرية ومطاطة وسهلة التشكيل، وبعد كده شكّليها لدوائر كبيرة.

4- انقلي العجينة في طبق بلاستيك أو طبق زجاجي كبير، وادهنيها بكمية صغيرة من الزيت، وغطّيها بقطعة قماش، وسيبيها في مكان دافئ لمدة ساعتين؛ علشان تخمر وحجمها يزيد.

******************* 

العجينة على طريقة ميلانو بتحتاج بيض ولبن
العجينة على طريقة ميلانو بتحتاج بيض ولبن
العجينة على طريقة ميلانو
المقادير:
  • 2 كوب دقيق
  • 2 بيضة
  • 2 ملعقة كبيرة زبدة
  • كوب لبن
  • ملح وفلفل
  • 2 ملعقة صغيرة خميرة بيرة
  • 1/ 2 ملعقة صغيرة سكر

الطريقة:
1- اخلطي الخميرة مع السكر.

2- هاتي طبق زجاج أو بلاستيك كبير، وحطّي فيه السمنة، واضربيها بالمضرب الكهربائي، وبعد كده ضيفي عليها باقي المقادير والخميرة والسكر، واضربيهم مع بعض بالمضرب، لغاية ما تلاقي العجينة بقت جامدة، شيلي المضرب واعجنيها بإيدك لغاية ما تلاقيها بقت طرية ومطاطة، وبعد كده غطّيها وسيبيها لمدة 3 ساعات عشان تتخمّر.

******************* 

صلصة البيتزا من الحاجات المهمة جداً في تحضير البيتزا
صلصة البيتزا من الحاجات المهمة جداً في تحضير البيتزا
بعد ما عملنا العجينة بأي طريقة من اللي قلنا عليها، هييجي وقت تحضير...

صلصة البيتزا
المقادير:
  • 4 ثمرات طماطم مقشّرة ومقطّعة مكعبات صغيرة
  • 4 ملاعق كبيرة صلصة طماطم
  • 2 ملعقة كبيرة زيت ذرة
  • 1 ملعقة صغيرة زعتر جاف مطحون
  • 1 ملعقة صغيرة نعناع جاف مطحون
  • ملح وفلفل

الطريقة:
1- سخّني الزيت في طاسة على نار هادية، وبعد كده ضيفي الطماطم وصلصة الطماطم والزعتر والنعناع، و 3/ 4 كوب ماء، وسيبي الخليط على النار لمدة نصف ساعة علشان يتسبّك.

******************* 

قطّعي الخضراوات حلقات ورصّيها على الوش
قطّعي الخضراوات حلقات ورصّيها على الوش
ودلوقتي تعالي نعرف بعض الطرق لتحضير البيتزا بنكهات مختلفة...

بيتزا بالخضراوات
المقادير:
  • عجينة بيتزا
  • 1 ثمرة فلفل أخضر مقطّعة حلقات
  • 1/ 2 كوب صلصة بيتزا
  • 2 ثمرة طماطم مقطّعة حلقات
  • بصلة متوسّطة الحجم مقطعة حلقات
  • كوب مشروم مقطّع شرائح
  • 2 فص ثوم مفروم
  • 1 ملعقة صغيرة زعتر
  • 1 1/ 2 كوب جبنة موزاريلا مبشورة
  • 1/ 2 ملعقة صغيرة فلفل أسود
  • 2 شريحة كرفس مقطّعة قطع صغيرة
  • زيتون أسود مقطع دوائر
  • أوراق ريحان للتزيين

الطريقة:
1- قطّعي عجينة البيتزا لقطع صغيرة مدوّرة، وحطّيها على رخامة المطبخ أو على سطح خشبي مرشوش بالدقيق، وابدئي في فردها لغاية ما مساحتها تكون مناسبة للصاج أو الصينية اللي هتعملي فيها، وبعد كده حطّيها في الصينية، بس خدي بالك إنك قبل ما تحطيها بتدهني الصينية بالزيت.

2- ضيفي صلصلة البيتزا فوق العجينة، ورشّي الثوم المفروم، وضيفي الفلفل الأخضر والطماطم والبصل والكرفس والزيتون الأسود والمشروم، ورشّي الفلفل الأسود، وقطّعي البيتزا على شكل مثلثات.

3- رشّي الجبنة الموزاريلا والزعتر على السطح.

4- سخني الفرن على درجة حرارة عالية شوية، وبعد كده دخّلي صينية البيتزا في الفرن لمدة 15 دقيقة، وبعد ما تلاقي وشها إحمرّ، خرّجيها.. وبالهنا والشفا.

******************* 

بيتزا شهية ولذيذة جداً
بيتزا شهية ولذيذة جداً
بيتزا بالسجق
المقادير:
  • عجينة بيتزا
  • 1 ثمرة فلفل أخضر مقطّعة شرائح
  • 1/ 2 كوب صلصة بيتزا
  • بصلة متوسّطة الحجم مقطّعة حلقات
  • 2 فص ثوم مفروم
  • 1 1/ 2 كوب جبنة موزاريلا مبشورة
  • 1/ 2 ملعقة صغيرة فلفل أسود
  • كرفس مقطّع لقطع صغيرة جداً
  • سجق مقطع شرائح
  • 1/ 2 كوب زيتون أسود أو أخضر مقطّع شرائح

الطريقة:
بتعملي نفس الخطوات اللي فاتت بالظبط، وبعد كده تدخليها الفرن، وبعد 15 دقيقة أو بعد وشها ما يحمر بتطلعيها.. وبالهنا والشفا.
تابع القراءة ....

Related Posts Plugin for WordPress, Blogger...