ديكورات مريحه وبسيطه لصيف2010

ديكورات مريحه وبسيطه لصيف2010

طبعا فى الصيف وبالذات السنه دى الجو مولع زى ما احنا شايفين
وبخبرتى الصغنونه اوى بقترح مثلا لاى حد لسه بيأسس فى شقته او عرسان جداد انه كل ما كان الاثاث بسيط ومش كتير كان احسن
مش هطول عليكم

مثلا حجرات النوم لو فيها مساحه واسعه والسرير محطوط جنب او قدام بلاكونه او شباك
هيبقى الصحيان ليه شكل تانى

دلوقت بقى بالنسبه للصاله او غرفه الاستقبال ممكن نخليها واسعه بالحاجات الصغيره البسيطه والانيقه ف نفس الوقت وكمان الالوان الفاتحه بتدى مساحه زى كده

غرف المعيشه بقى لازم تبقى دافيه ومش شرط كبيره او صغيره بس لازم تبقى فيها الاثاث الضرورى ومش لازم الون فاتح او غامق فى الغرف دى حسب الذوق زى كده

بالنسبه للستاير فده يحدده مساحه الشقه لو واسعه طبعا هتحتاج تصميم كبير للستاير وفخم زى كده

ممكن بقى للمساحات الصغيره تبقى ستائر بسيطه بس يبقى فيها لمسه تصميم حلوه برضو زى كده

دوقت ممكن ندخل على حجرات الاطفال الى طبعا لازم يبقى مش فى احلى منها فى الالوان والاثاث المرح بتاعها

ولدوقت يالا ع المطبخ
مشكله المطبخ ان الواحد بيحب انه يكون عشان عشان يروح هنا وهنا يجيب دا ويغسل دا.والمشكله فى المطابخ المصريه لازم يكون فيها كل حاجه زى التلاجه والغساله ناقص نحط تليفزيون كمان.من رأيى ممكن نتنازل عن حاجه من الحاجات دى يعنى مثلا ممكن نخلى التلاجه بس او الغساله بس
عشان يكون فى مساحه اكبر فى المطبخ.فى ناس بتفضل الطراز الامريكانى عشان مساحه الشقه وفى ناس بتفضل الطراز العادى وكله بيرجع لذوقك انتى

كده اخر حاجه اعتقد السفره.انا عن نفسى بحبها تبقى صغيره.عزومات مش عزومات برضو صغيره
عشان المساحه.بس برضو لو مساحه الشقه كبيره ممكن نجيب سفره كبيره ليه لأ