بامية ويكا وسد الحنك

شمروا ايديكم وخلوا بالكوا من صوابعكم جيبالكم بامية ويكا
وكمان سد الحنك ها مين هيقول بسم الله الرحمن الرحيم

بعد بحث طويل لقيت مجموعة من وصفات لاكل زمان اكيد هتعجبكم

سد الحنك

المكونات
كوب لبن - ثلاث ارباع كوب دقيق - معلقة سمن أو زيت - معلقتين سكر
الطريقة
نقدح السمن أو الزيت فى طاسة
يوضع الدقيق ونقلب جيدا حتى يبدأ لونه فى التغير
ثم نضع السكر ونقلب قليلا
يوضع اللبن بالتدريج مع التقليب المستمر
تهدأ النار ونستمر فى التقليب
هاتلاقى عندك عجينة حطيها فى قالب ورشى عليها سكر بودرة
وممكن تحطى منها بإستخدام بولة الآيس كريم فى كاسات
وبالهنا والشفا

وادى طبق تانى 

البامية الويكا

المكونات

بامية قرون كبيرة
ثوم
سمن
كسبرة ناشفة
فلفل اخضر
شوربة

الطريقة

تقطع البامية حلقات متوسطة وتوضع فى الشوربة على نار هادئة
ثم نقطع الثوم مع الكسبرة مع الفلفل ويوضع جزء منها على البامية
تترك البامية تستمر فى الغليان حتى تذوب فى الشوربة
وفى اناء اخر يوضع باقى خليط الثوم والكسبرة مع السمن ويحمر قليلا ويضاف الى البامية