الجمعة، 28 مايو 2010

المكرونة بالجبنة الرومي والبسطرمة


المكرونة بالجبنة الرومي والبسطرمة



المقادير : كيس مكرونة قلم او النوع اللي تحبيه
125 جم جبن رومي مبشور
125 جم بسطرمة مقطعة صغير
2 فلفل رومي اخضر او الوان علي حسب المتوفر
زيتون اسود مخلي اخضر او اسود
5 حبات طماطم ومعلقة صلصة
بصلة مبشورة
2 فص توم مفروم
بهرات عبارة عن :
ملح ، فلفل ، سنة كاري،سنة قرفة وسنة جنزبيل وسنة زعتر
وومكن اضافة مكعب ماجي حسب الرغبة انا ضيفته


طريقة الصلصة :
نشوح البصلة في معلقتين زيت ولما تتبدل نضيف ليها نص كمية الفلفل الرومي طبعا بعد تقطيعه ونقلبها كده دقيقة وبعدين نضيف التوم والبهرات كلها ونقلب وبعدين نضيف الطماطم بعد عصرها طبعا ومعلقتين الصلصة ونقلب ونظبط الملح حسب ما نستطعمه ونسيبها الي ان تتسبك جيدا لحد ما تنشف خالص وتكون بالشكل ده

إضغط هنا لرؤية الصورة بحجمها الطبيعي.


واول ما تتسبك خالص وقبل ما تطفي عليها تضيفيلها وحدتين زيتون كده بيدوا طعم


نحضر صينية فرن او بيركس علي حسب


وندهنها نقطتين زيت ونضيف المكرونة بالشكل ده

إضغط هنا لرؤية الصورة بحجمها الطبيعي.


وده شكلها بعد اضافة الصلصة للمكرونة



إضغط هنا لرؤية الصورة بحجمها الطبيعي.


وده شكلها بعد ما قلبنا الصلصة علي المكرونة

إضغط هنا لرؤية الصورة بحجمها الطبيعي.


وبعدين نضيف البسطرمة بعد ما اقطعناها قطع صغيرة
وده شكلها



إضغط هنا لرؤية الصورة بحجمها الطبيعي.


وبعدين نقلب البسطرمة ونضيف حلقات الزيتون بالشكل ده



إضغط هنا لرؤية الصورة بحجمها الطبيعي.


وبعدين نضيف باقي الفلفل الرومي بالشكل ده



إضغط هنا لرؤية الصورة بحجمها الطبيعي.


وبعدين نضيف الجبن الرومي المبشور بالشكل ده كده

إضغط هنا لرؤية الصورة بحجمها الطبيعي.


وبعدين ندخلها الفرن

إضغط هنا لرؤية الصورة بحجمها الطبيعي.


وبعدين نسيبها حوالي 20 دقيقة لحد ما تحسي ان الجبن الرومي ساحت


وتطلع وتكون بالشكل ده



إضغط هنا لرؤية الصورة بحجمها الطبيعي.


وممكن بقي تقديميها مع كفتة لحم او فراخ بانيه علي حسب


وبالهنا والشفا جربوها وهتعجبكم ان شاء الله

0 comments:

Related Posts Plugin for WordPress, Blogger...