الثلاثاء، 22 يونيو 2010

سمك فيليه بالمايونيز والمسطردة

طبق سمك طعمه لذيذسمك فيليه بالمايونيز والمسطردة

المقادير:
6 قطع سمك فيليه
كوب ونصف بقسماط مطحون
1/2 معلقة ملح
1/4 معلقة فلفل أحمر مطحون
1/8 معلقة زعتر
1/8 معلقة فلفل أسود
معلقة بقدونس ناشف
1/3 كوب مسطردة
1/3 كوب مايونيز
زيت للقلي

الطريقة:
1- أحضري طبق، وحطّي فيه البقسماط والملح والفلفل الأحمر والزعتر والبقدونس والفلفل الأسود، وقلّبيهم مع بعض.

2- اخلطي المايونيز والمسطردة كويس جداً مع بعض في طبق غويط.

3- أحضري الطاسة اللي هتقلي فيها السمك، وحطّي فيها كمية الزيت المناسبة للقلي، وسيبيها على النار لغاية ما الزيت يسخن.

4- أحضري قطع السمك، وابدئي حطّي واحدة واحدة في خليط المايونيز والمسطردة، وبعد كده حطيهم في خليط البقسماط اللي عملتيه بحيث إن السمك يتغطى من الناحيتين بالبقسماط.

5- وفي الآخر حمّري قطع السمك في الزيت، وطلّعيهم على مناديل ورقية، وبعد كده حطيهم في طبق التقديم.









0 comments:

Related Posts Plugin for WordPress, Blogger...